سیلاو کمپاینی اوچون قراری
سیلاو قانونی‌نینگ ییتمیش آلتینچی ماده (1)فقره و بیرینچی بندی‌نینگ بویروغی‌گه اساس و شونینگ دیک سیلاو کمپاین لایحه‌سی‌نینگ اوچینچی ماده سی گه اساس 1398- ییل 6- میزان جمهورلیک ریاست سیلاویده هر بیر نامزد اوچون 60 کون کوزگه توتیلگن و اوشبو دوره سیلاو یولگه قوییلیش چاغیدن 48 ساعت آلدین توخته تیله‌دی.
سیاسی احزاب و نامزدلرنی سیلاو کمپاینی اوچون شرایطی و مجبوریت‌لری
- سیاسی احزاب، ایتلاف و نامزدلر، تعین ایتیلگن زمان گه قرب و سیلاو ریجه‌لری و لایحه‌لری نطقه‌ی نظریدن گواهی نامه‌لریده ذکر ایتیلگن لایحه‌نی رعایت ایتیب سیلاو مستقل کمیسیونی، شکایت‌لرنی تینگلش کمیسیونی و مدیا کمیته‌لری سیلاو کمپاینی اوچون فعالیت‌لرینی مشخص لنتیره دی.
- نامزدلر، احزاب و سیاسی ایتلاف‌لر، نامزدلر سونگی رویخطی ترقه تیلگنی و سیلاو کمپاینی باشلنمسدن آلدین یعنی سکوت دوریده چاپی، رادیو و میدیالردن فایده لنیب هرقندی ییغین و هماییش اوتکزمه‌ی و شونگه اوخشش اجتماعی صحیفه‌لرگه پوستر و بیلبوردلرنی ترقه‌تیش مقصد حرکت قیلمس‌لیک‌لری کیره ک.
- نامزدلر، احزاب و سیاسی ایتلاف‌لر و اولرنینگ حمایتچی‌لری، باشقه نامزد و احزاب کمپاین‌لریده اره لشماققه حقی بولمه‌ی و باشقه نامزدلرنی تبلیغاتی ماده لرینی بوزیش و اولرنی فعالیتی توخته تیلیشیده توسسیق یره تمس‌لیگی کیره ک.
- سیلاو کمپاینی و برنامه‌لر عامه خلق‌نی توزومینی بوزمسلیگی کیره ک.
- سیاسی احزاب، ائتلاف و کاندیدیلر، خوف سیزلیک مسوول‌لری، قاره لاوچیلیک، محکمه و دولتی ملازم‌لرینی سیلاو کمپاین‌لریده اشتراکی اوچون چقیرمسلیگی کیره ک. خوفسیزلیک، محکمه، قاره لاوچیلیک و دولتی ایشلاوچی‌لری هیچ بیر زمان سیلاو مبارزه لریده اره لشماققه حقی یوق.
- شونینگ دیک کاندیدلر، سیاسی احزاب و ایتلاف‌لر سیلاو کمپاینی اوچون باله‌لردن ایش آلمس‌لری کیره ک.
- سیاسی احزاب، ائتلاف، و نامزدلر چیت ایل نهادلری و چیت ایل‌لیک‌لرنی او سیلاو مبارزه لریده چقیریب اونی سیلاو کمپاین‌لریده اشتراک زمینه‌سی یره تیشی گه حقی یوق. شونینگ دیک تشقی نهادلر بوکبی فعالیت‌لرده اشتراک قیلیش گه حقی یوق.
- هیچ کیم سیلاو کمپاینی اوچون اولکه یشاوچی‌لرینی اجباری حالده اشتراکی اوچون ترغیب قیله آلمه‌یدی.
- سیاسی ایتلاف‌لر، احزاب و کاندیدیلر و اولرنی طرف دارلری، سیلاو کمپاینی زمانیده سیلاو مستقل کمیسیونی و شکایت‌لرنی تینگلش کمیسیونی گه باغلیق هیچ قندی بیلگی و علامت‌لردن ایش آلیش گه حقی یوق.
- هر بیر نامزد، سیلاو کمپاینی زمانیده (قومی، گروهی، مذهبی، تیل، سمتی و جنسیتی) مسله‌لرگه قول اورمه‌ی اوشبو حالت‌لردن واز کیچیش‌لری کیره ک.
- هر بیر نامزد سیلاو کمپاینی یکونیدن کیین 20 کونده شهر ایچیده قوندیریلگن برچه معلوماتی ورق‌لر و بیلبوردلرینی یولیب تشلب شهر تمیزلیگی اوچون سهم آلیشی کیره ک.
- سیاسی احزاب، ایتلاف‌لر، نامزدلر و اونینگ طرف دارلری هر بیر شخص‌نی خصوصی ملکیتی گه حرمت بیریب، تبلیغاتی یازوولرنی یاپشتیریش چاغیده مالکنی رضایتی‌نی قولگه آلیش‌لری کیره ک.
- سیاسی احزاب، ایتلاف و طرف دارلری شعارلری و تبلیغاتی ملزمه‌لرینی دولتی قوریلمه‌لرگه یاپشتیریش گه حقی یوق.
- سیاسی احزاب، ایتلاف و نامزدلر و اولرنینگ طرف دارلری، شهر تمیزلیگی و کورکم‌لیگی مقصد، سیلاو کمپاین‌لریده الکتریکی تبلیغات و بیلبوردلردن ایش آلیش‌لری کیره ک.
- بلدیه‌لر و تیگیشلی اداره لر انیق بیر میکانیزم آرقه‌لی سیلاو کمپاینی اوچون تقاسلنگن بیلبورد و اعلانات‌لر اورنی نی مشخص قیلیشی کیره ک.
- کمیسیون و بلدیه‌لر، سیلاو مستقل کمیسیونی و شکایت‌لرنی تینگلش کمیسیونی بویروغی بیلن، سیلاوگه عاید ملزمه‌لر و تبلیغاتی ماده لر سیلاو قانونیگه قرشی بولگن بیرحالده اونی محله‌لردن یولیب تشلشگه حقی بار.
- سیاسی احزاب، ایتلاف و کاندیدلر، سیلاو قانونی نطقه‌ی نظریدن سیلاو کمپاین‌لرینی یولگه قوییب، احتفال و ییغین یولگه قوییلمس دن آلدین تیگیشلی اداره لرگه گزارش بیریش‌لری کیره ک.
- یوقاریده گی ماده لر سیاسی احزاب، ایتلاف، نامزدلر و اولرنینگ طرف دارلری تمانیدن رعایت ایتیلمه گن تقدیرده اوشبو موضوع سیلاو کمیسیونی آرقه‌لی تیگیشلی اداره لرگه تانیشتیریلیشی کیره ک،
- حقیقی شخص‌لر اوز شکایت‌لرینی سیلاو شکایت‌لرینی تینگلش کمیسیونی گه یوباره دی.
- سیلاو کمپاینی زمانیده سیلاو قاعده لریگه اساس ایریم ساحته‌کارلیک و قلاب کارلیک که قول اورگن زمان شکایت‌لرنی تینگلش کمیسیونی تمانیدن تیکشیریله‌دی.
سیلاو کمپاینی اوچون مالی منبع‌لر
- سیلاو کمپاین جریانیدن مردم نی آگاهیتی اوچون، برچه میدیالر کمیسیون لایحه‌لریگه مطابق نظریه و ریجه‌لرینی عکس ایتیدیریش مقصد طرفسیزلیک و تعادلنی رعایت قیله دی.
- هر بیر نامزد، سیاسی احزاب و ایتلاف، سیلاو کمپاینی جریانیده عامه خلق دارایی سی و مِلکیت‌لریدن ایش آلالمه‌یدی، لیکن حاکمیت گه ایگه بولگن مسوول‌لر برچه نامزد اوچون بیردک سهولت کیلتیرگن زمان اوشبو حقدن فایده لنه آله‌دی.
- نامزدلر، احزاب و سیاسی ایتلاف، چیت ایل‌لیک دولتی و شونینگ دیک اوشبو اولکه‌لرنی افغانستانده بولگن نماینده لیک‌لریدن هیچ قندی مادی و معنوی یاردم‌نی قولگه کیریته آلمه‌یدیلر.
- هر بیر نامزد، سیلاو قانونی نقطه‌ی نظریدن خراجت و قولگه کیریتگن یاردم‌لرینی کمیسیون گه گزارش بیریشی کیره ک.
- خصوصی میدیالر سیلاو کمپاینی جریانیده قولگه کیریتگن نقده پول‌نی کمیسیون گه گزارش بیریش گه مجبور قیلینه‌دی.
- نامزدلرنی سیلاو کمپاین‌لریده تیگیشلی بولگن برچه مالی موضوع‌لری سیلاو کمپاینی مالی ایشلری بوییچه لایحه‌سیگه جایلشتیریله‌دی.
- بو توغریده کوپینچه معلومات قولگه کیریتیش مقصد 190 رقم گه قونغیراق قیلیب یاده 1398- ییل جمهرلیک ریاست سیلاوی اوچون ایجاد ایتیلگن کمیسیون نی ویبسایتیگه باش اوریشی کیره ک.
ملعوماتی 7- صفحه‌سی