سیلاولر مستقل کمیسیونی، اوشبو نهاد رییسی خانم حوا علم نورستانی ییتکچیلیگیده بیرلشگن ملت لر تشکیلاتی نینگ سیلاولر دن آرقه داشلیک بیلدیروچی پروژه‌سی (UNESP) مسوول لری بیلن ییغین اوتکزدی.

خانم نورستانی (UNESP) پروژه‌سی نینگ همکارلیک لریدن منتدارچیلیک بیلدیریش دن علاوه، کیله‌جک سیلاولر اوچون بونده‌ی اولتیریش لرنی مملکت حاضرگی وضعیتیده اهمیتلی بیلیب ایتیشیچه، بونده‌ی اولتیریش‌لر کیله‌جک سیلاولرنی یخشیراق اوتکزیلیشی اوچون کمیسیون گه یاردم بیره‌دی.

عین حالده، سید عصمت‌الله مل معاون و کمیسیون کمیشنری محمد حنیف دانشیار جنابلری بودجه جلب ایتیلیشی و بو پروژه نینگ عملگه آشیریلیشی اوچون معلوم بیر میکانیزم ایجاد ایتیلیشی توغری سیده اوز فکر لرینی بیلدیر دیلر.

بیرلشگن ملت لر تشکیلاتی سیلاو لردن آرقه داشلیک بیلدیروچی پروژه‌سی (UNESP) نینگ مسوولی علی البیاتی جنابلری، پروژه سندی پریزینتیشنی نینگ ارائه قیلیب ایتیشیچه، بو پروژه آلدین کبی دوام تاپه‌دی و کیینگی (2021م) ییل گه اوزه‌ی تیریله‌دی.

شونینگدیک او سند نی شرح لنتیریش جریانیده کوپه‌ی یتیریشیچه، کیله‌سی ییل لرده ولایتی دفتر لر، عامه ذهنیت لرنی آگاه لنتیریش، جندر و بو پروژه نینگ مالی حمایت قیلیشی اوچون دونر لر نینگ توجه سینی جلب قیلیش گه توجه قرَته‌دی و رای بیروچی لر رویخطی نینگ تصفیه قیلیش اوچون تخنیکی یاردم قیلیش وعده سینی بیردی.

بو ییغین خانم حوا علم نورستانی رئیس، سید عصمت‌الله مل معاون، خانم رحیمه ظریفی منشی، مولانا محمد عبدالله جنابلری، اورنگ زیب جنابلری، محمد حنیف دانشیار و مسافر قوقندی جنابلری کمیشنرلر، دارالانشاء نینگ ارتباط استراتیژیک معاونی علی‌شاه مصباح جنابلری و کمیسیون دارالانشاء‌سی نینگ عملیاتی معاونی محمد عثمان فروتن، ارشد مصلحتچی گرند کیپن، علی البیاتی جنابلری مسوول و بیرلشگن ملت لر تشکیلاتی سیلاو لردن آرقه داشلیک بیلدیروچی(UNESP) پروژه‌سی نینگ مالی مسوول پیتر من جنابلری اشتراکیده بولیب اوتدی.