سیلاو ایرکین کمیسیون‌نینگ رهبرلیک هیاتی، جاری ییل آلتینچی میزان جمهورلیک ریاست سیلاوی خصوصیده معلومات بیریش ییغینی، سیلاو نامزدلری نینگ نماینده لری، سیاسی احزاب نماینده لری، سیلاو ایش‌لریدن نظارت قیلیش نهادلری، مدنی جماعه نهادلری، سیلاو شکایت‌لرینی تینگلش کمیسیون‌نینگ اعضالری و ملی و خلق ارا یاردمچی اولکه‌لر حضوریده یولگه قوییلدی.
دستلب، سیلاو ایرکین کمیسیون‌نینگ باشلیغی خانم حوا علم نورستانی، اوشبو ییغینده اشتراک قیلگن‌لرنی خوش قرشی‌لب، سیلاو خصوصیده بولگن معمالر و بو جریان نی فعالیتی تیوره گیده معلومات بیریب، سیاسی احزاب، قوم نماینده لری، و باشقه تیگیشلی نهادلردن قالگن ولایت آوازلری قیته سنه‌لیشی خصوصیده یاردم بیریشینی طلب قیلدی. شونینگ دیک سیلاو نتیجه‌سی شفاف بیرحالده معلوم بولیشی خصوصیده هیچ کیم نی تاثیری گه قالمه‌ی و هیچ گروه گه مداخله قیلیش گه رخصت بیرمس‌لیگی نی بیان قیلدی خانم نورستانی.
اوشبو ییغینده، سیلاو شکایت‌لری بوییچه منشی و کمیشنری داکتر محمد قاسم الیاسی، سیلاو شکایت‌لرینی تینگلش اداره سی‌نینگ قیلگن فعالیتی خصوصیده معلومات بیریب، سیلاو شکایت‌لری بوییچه اداره سی سیلاونینگ نتیجه‌سی اعلان ایتیلگنیدن کیین، بو توغریده بولگن شکایت‌لرنی تیکشیریش گه برچه تیارگرلیک قولگه آلگنینی بیان قیلدی. او همده سیلاونینگ دستلبکی نتیجه‌سی معلوم بولگنیدن کیین هر قندی شکایت‌لر اوچ کونگه قدر اوز شکایت‌لرینی ثبت قیلیشینی معلوم قیلدی الیاسی جنابلری.
شوندی بیرحالده سیلاو ایرکین کمیسیون‌نینگ عضوی محمد حنیف دانشیار، بحث گه تیگیشلی بولگن 300 مینگ آواز خصوصیده معلومات بیریب، بو توغریده بولگن سوراغ‌لرگه جواب قیتردی.
دانشیار جنابلری شونینگ دیک، درملوک شرکتی تمانیدن تعین ایتیلگن زمان آزلیگی و بو توغریده بولگن کمچیلیک‌لرنی تیلگه آلیب، لیکن بو جریانگه هیچ کیم اره لشماققه قولی ییتیشمس‌لیگی نی بیان قیلدی. بونگه قوشیمچه درملوک شرکتی تمانیدن یوباریلگن هجت‌لر، شکایت‌لر فورمه‌سی، ژورنال و امنیتی گزارش‌لر یوباریلگنی خصوصیده معلومات بیردی دانشیار جنابلری.
شونینگ دیک کمیسیون اعضالری، سیلاوگه تیگیشلی برچه تمان سیلاو خصوصیده ییترلیچه معلومات قولگه کیریتیش گه علاقه مند بولگن زمان، سیلاو ایرکین کمیسونی بو توغریده ییترلیچه معلومات بیریشینی بیان قیلدی.
اوشبو ییغین دوامیده، ایرکین سوزلش جریانی سیلاو ایرکین کمیسیون‌نینگ عضوی خانم رحیمه ظریفی آرقه‌لی باشقریلیب، اشتراک قیلگن‌لر سوراغ و پیشنهادلرینی تعین ایتیلگن زمانده بیان قیلیشتی‌لر.
اوشبو اولتیریشده، سیلاو ایرکین کمیسیونی، سیلاو شکایت‌لری بوییچه کمیسیون‌لری‌نینگ رهبرلیک اعضالری، جمهورلیک ریاست سیلاو نماینده لری و مدنی جماعه نهادلری اوز فکر و ملاحظه‌لرینی سیلاو خصوصیده بیان قیلگن‌لر.
اوشبو ییغین اخیریده، سیلاو ایرکین کمیسیون‌نینگ اورین باسری سید عصمت الله مل، ینه بیرمرته سیلاو ایشلریگه مداخله قیلیش گه هیچ کیم نی حقی یوق دیب و سیلاو نتیجه‌سی شفاف و آچیق بیرحالده معلوم بولیشی اوچون کیسکین بیرحالده طرفسیزلیک کوزگه توتیلیشینی تاکیدله‌دی.