د انتخاباتو د شکايتونو کمېسيون يوه خپلواکه اداره ده چې د ټاکنې د قانون په اساس تشکيل شوي ترڅو د ټاکنې په بهير پورې ټول اړونده شکايتونه ترغور لاندې ونيسي. هر هغه څوک چې د ټاکنې په بهير کې مشروع ګټې لري او هغه څوک چې ادعا کوي د ټاکنې د پروسې د تر سره کيدو په ترڅ کې له قانون څخه سرغړونه شوي ده، حق لري چې د انتخاباتو د شکايتونو کمېسيون ته په ليکلي توګه شکايت ورکړي. دا په دې معنى چې کيداى شي د نورو په ګډون هر راجسټر شوى رايه ورکوونکى، کانديد، کتونکى او د سياسي ګوند کارکوونکي په ليکلي توګه شکايت وکړي. د انتخاباتو د شکايتونو کمېسيون په خپل نوښت هم کولاى شي چې قضيې ترغور لاندې ونيسي.

د کانديدانو د نومونې په هر دفتر کې د شکايت فورمې او مهرشوي صندوقونه موجودې دي، چېرته چې شکايتونه اچول کيږي. د هر شکايت سره به د وخت پراساس په انفرادي توګه چلند وشي.

د انتخاباتي شکايتونو د کمېسيون د فعاليتونو په هکله د زياتو معلوماتو لپاره، مهرباني وکړئ زمونږ وېب پاڼه وګورئ.