۱۳۹۸ سیلاوی

عکس لر

Tweets by @AfghanistanIEC

اولکه میز بویوک بیر سیاسی، اجتماعی و تاریخی واقعه عرفه سیده دیر، جمهورلیک ریاست سیلاوی 1398- 6- میزانده یولگه قوییلماقده و مردم نی بیش ییللیک کیله جگینی توزتماقده. شو باعث اولکه بوتون طبقه اهالیسی اینقسه عیال‌لرنی سیلاولرده حضوری و اولرنی آواز بیریش صندوق یانیده باریش‌لری اوته مهم دیر، عیال‌لرنی سیلاولرده اشتراکی مهم بولگنی سبب، سیلاوده فعال حصه قوشیش‌لری کوتیلماقده.

افغانستان اساسی قانونیده عیال‌ و ایرکک‌لرنی آواز بیریشی و سیلاوده اشتراکی بیردیک تانیشتیریلگن، اوشبو قانون ایسه آنه قانونی دیک عیال‌لرنی کیینگ کولم‌ده سیلاوده اشتراکی‌نی تاکید قیله دی، بو ایش همده اسلام مقدس دینی گه تاکیدلنگن، ایرکک و عیال‌لرنی سیلاوده اشتراکی بیعت حیثیتی گه ایگه، بوتوغریده هیچ قندی شرعی قیینچلیک یوق. خوش بختلیک بیلن اوتکن بیریریم دهه ایچیده اولکه میزده عیال‌لر هم ایرکک‌لر یانیده دیموکراسی تمثیلی اوچون سیاسی، اجتماعی، فرهنگی و اقتصادی فعالیت‌لرده ییترلیچه نقش اوینه گن‌لر، اولرنی بو توغریده اشتراکی اولکه بویلب بویوک سیاسی و اجتماعی اوزگریش لرده اونوتیلمه‌یدی، حاضر عیال‌لر اوزلری و اولکه کیله جگی‌نی اویلب تصمیم آلیشه دیلر و مردم سالارلیک چهار چوبه سیده مثبت جواب قیتره دیلر. حاضر اولر اولکه کیله جگی اوچون قندی تصمیم آلسه‌لر، کیله جگده اولر اولکه رهبرلری و مدیرلری بولیشی مقصد هر بیر مکاندن سیس چیقاره دیلر.

سیلاولر مستقل کمیسیونی، اولکه ده سیلاو بولیب اوتکزیش اوچون کوشش قیلماقده، اوشبو سیلاوده گی بیل‌لشوو و کینگ کولم‌ده مردم‌نی اشتراکی جنسی قرمه قرشیلیک‌لردن اوزاقده ایمس، شونینگ دیک کمیسیون، سیلاوده ایرکک و عیال‌لر جنسی تبعیض‌لرنی کوزگه توتمه‌ی کینگ کولم‌ده سیلاوده اشتراک قیلیب ایسته گن نامزدگه آواز بیریشینی نظرگه آلگن، لیکن عیال‌لرنی اوتکی ییل‌لرده گی محرومیت‌لری سبب کمیسیون اولرنی ظرفیت‌لری کوچه ییشی و اولرنی کینگ کولم‌ده سیلاولرده اشتراکی اوچون حرکت قیلماقده. چونکه عیال‌لر افغانستان جمعیتی یریم پیکرینی شکل بیره دی. شونینگ دیک اولر سیاسی پروسه‌لر، سیلاولر و سیله‌نیشی اوچون بویوک حق گه ایگه.

همده اولکه ترقیاتی سقله‌نیشی اوچون برچه خلق کوچیدن فایده لنیشی دیر و جماعه میزنی یریمی‌نی شکل بیرگن عیال‌لر بویوک فخر، کرامت و حقانیت بیلن تورلی ترماق‌لرده فعالیت قیلیب کیلماقده لر.

ایرکک‌لر بیلن بیردیک اجتماعی و سیاسی حق‌قه ایگه، اسلام دینی نقطه نظریده هم عیال و ایرکک‌لرنی بیردیک کوره دی و هیچ قندی ایریلیق نی بویورمه گن.

شو سبب اولکه بوتون عیال‌لری 1398- ییل6- میزان جمهورلیک ریاست سیلاویده اشتراک قیلیب، قانونی حقی بولگن سرنوشتی و جمهور باشلیغی نی تعین ایته دیلر. 

آرتیقچه معلومات اوچون 190 تیلفون رقم گه قونغیراق قیلینگ

سیزلرنی رایینگیز، سیزلرنی کیله جگینگیز