د ټاکنو دخپلواک کميسيون دارالانشا د کميسيون اجرايوي اداره ده. د دارالانشا د ټاکنو مسلکي کارکوونکي هغه پريکړې، مقررات او تګلارې پلي کوي چى د ټاکنودخپلواک کميسيون له خوا منل کيږي.د انتقالي دورې په ترڅ کى د لنډ مهاله ګام په توګه ، د ١٣٨٣ کال دولسمشرې او د ١٣٨٥ کال د پارلماني او ولايتي شوراګانو ټاکنى ، د ټاکنود تنظيم دګډ دفترتر ادارى اوڅارنى لاندى تر سره شوى. د ټاکنو د تظيم ګډ دفتر د افغانستان د دولت او د ملګروملتونو يوه ګډه اداره وه. د ټاکنو دتنظيم ګډ دفتر د خپلو مسؤليتونو دتر سر کولو څخه وروسته، د ولسمشر‌‌‌ۍ د ١١٠ ګڼې فرمان په اساس په ١٨/١٢/٢٠٠٥ نيټه منحل شو او خپل ټول مسوليتونه يي د ټاکنو خپلواک کميسيون ته وسپارل.